У Варшаве дыскутавалі пра беларускую гістарычную кнігу (фота)
1 снежня у Каралеўскім замку у польскай сталіцы прайшла дыскусія "Каб мае трапілі кнігі пад стрэхі… — беларуская гістарычная кніга: аўтары, выдаўцы і чытачы".
Мерапрыемства, на якое прыйшло каля 30 чалавек, адбылося ў межах XXI Кірмашу гістарычнай кнігі.
Сваімі думкамі пра сённяшні дзень і будучыню беларускай гістарычнай кнігі падзяліліся доктар Наталля Русецкая з Люблінскага ўніверсітэта, гісторык Алег Латышонак, дырэктар выдавецтва "Энцыклапедыкс" Ігар Чэкалаў-Шыдлоўскі ды іншыя.
Часта ў сваіх выступах прамоўцы параўноўвалі сітуацыю з гістарычнай кнігай у Польшчы і Беларусі. Адзначалася, што польскае гістарычнае кнігавыданне знаходзіцца ў больш развітым стане, чым беларускае. Пры гэтым польскае грамадства, так як і беларускае, чытае мала.
Аднак, нягледзячы на ўсе праблемы, беларускай гістарычнай кнізе яшчэ ёсць у якіх накірунках развівацца.
