У Вільні вандалы апаганілі магілу Пілсудскага і яго маці
Вандалаў паліцыя пакуль не знайшла.
Нагадаем, што сэрца міжваеннага кіраўніка Польшчы Юзэфа Пілсудскага пахаванае на віленскіх могілках Роса. Тамсама знаходзіцца і магіла яго маці.
У Польшчы Пілсудскага шануюць за ўнёсак у аднаўленне незалежнасці Польшчы пасля Першай сусветнай вайны. Аднак у Літве ён лічыцца неадназначнай палітычнай постаццю праз захоп Віленскага краю. Для Беларусі асоба Пілсудскага таксама неадназначная.
Як паведамляе партал DELFI, прэм'ер-міністр Літвы Андрус Кубілюс і спікер парламента Ірэна Дзегуцене ў панядзелак асудзілі інцыдэнт.
Фота — delfi.lt
