У ЗША арыштавалі прадзюсера фільма “Невінаватасць мусульманаў”
Падазраваны ў размяшчэнні роліка ў сеціве Накула Баселі затрыманы ў Лос-Анжэлесе ў ноч на 28 верасня, паведамляюць інфармагенцтвы.
55-гадовы прадпрымальнік быў раней судзімы за фінансавыя злачынствы. Ён вызваліўся ў 2011 годзе з умовай, што ён не будзе карыстацца інтэрнэтам без афіцыйнага дазволу наглядных органаў. Яму таксама забаранялася карыстацца псеўданімамі.
Накула належыць да копцкай хрысціянскай царквы. Яго называюць адным са стваральнікаў 14-хвіліннага фільму “Невінаватасць мусульманаў”, пасля з’яўлення якога ў шэрагу ісламскіх краінаў пачаліся масавыя акцыі пратэсту.
