Украінец нелегальна перасякаў беларускую мяжу ў фургоне грузавіка
25-гадовага маладога чалавека памежнікі знайшлі 19 кастрычніка пры афармленні грузавога аўтамабіля “МАН” у пункце пропуска “Махро”.
Нелегал схаваўся ў фургоне транспартнага сродку паміж задняй сценкай і картоннымі скрынямі. Пасажыр меў праблемы з дакументамі: тэрмін дзеяння яго пашпарта скончыўся ў сувязі з дасягненнем 25 год. Таму ён не мог перасекчы мяжу легальным чынам. А суайчыннік-кіроўца вырашыў дапамагчы хлопцу, апавядае БелаПАН.
Абодвух аштрафавалі на 875 тысяч кожнага. Між тым хлопец мог бы пазбегчы такіх непрыемнасцяў, калі б проста прыйшоў ва ўкраінскае консульства ў Брэсце. Там у такіх выпадках выдаюць дакумент, па якім можна законна перасекчы мяжу.
