Уладзіслаў Кавалёў і яго адвакат сёння пачнуць знаёміцца з пратаколамі суда
У прысуджанага да смерці віцябляніна і яго адваката Станіслава Абразея для азнаямленя з пратаколамі ёсць час да 16 студзеня.
Як паведаміў агенцтву БелаПАН адвакат, па выніках вывучэння пратаколаў могуць быць падрыхтаваныя заўвагі ў Вярхоўны суд.
Нагадаем, што 30 лістапада Уладзіслава Кавалёва і дзмітрыя Канавалава Вярхоўны суд асудзіў на смерць. Іх абвінавацілі ў тэракце ў мінскім метро і шэрагу іншых выбухаў.
7 снежня Кавалёў і яго абаронца падалі кіраўніку краіны прашэнне пра памілаванне і наглядную скаргу. Канавалаў ніякіх заяваў і прашэнняў не падаваў.
