Узровень радыяцыі на "Фукусіме-1" высокі з-за расплаўлення паліва
Узровень радыяцыі ў вадзе другога рэактара перавышае норму ў 100 тысяч разоў.
Прычынай падвышанага ўзроўня радыяцыі на другім энергаблоку аварыйнай японскай АЭС "Фукусіма-1" стала частковае расплаўленне паліўных зборак, паведамляе ў панядзелак агенцтва Кіодо са спасылкай на заяву генеральнага сакратара японскага ўрада Юкіо Эдано.
Як перадае агенцтва, урад Японіі лічыць, што расплаўленне паліўных зборак доўжыўся некаторы час, аднак не валодае звесткамі пра тое, як доўга працягваўся гэты працэс.
Спецыялісты, якія праводзілі замеры, у нядзелю паведамілі, што ўзровень утрымання радыёактыўнага ёду ў вадзе на другім рэактары перавышае норму ў 10 мільёнаў разоў. Супрацоўнікі, якія працавалі на рэактары, былі эвакуяваны. Увечары TEPCO прызнала памылку лічбы ў 10 мільёнаў, паведаміўшы, што ўзровень радыяцыі ў вадзе другога рэактара перавышае норму ў 100 тысяч разоў, паведамляе РИА Новости.
