Ва Украіне зламыснікі разабралі апору ЛЭП атамнай электрастанцыі
Ва ўкраінскім Запарожжы зламыснікі разабралі на металалом металічную канструкцыю электраапоры.
Пікантнасць у тым, што гэта магістральная лінія электраперадач мясцовай атамнай электрастанцыі. У выніку апора проста абрынулася. На шчасце, ніхто не пацярпеў перабою з электрычнасцю не было.
Як паведамляе БЕЛТА, злачынства ўчынілі трое мясцовых жыхароў, двое з якіх ужо мелі судзімасці.
Пашкоджаная зламыснікамі паветраная лінія абмежавала на 50 мегаВат магутнасць Запарожскай АЭС. Выправіць сітуацыю ўдалося выратавальнікам. Але аднаўленчыя працы працягнуцца больш за два тыдні.
Міліцыянты затрымалі зламыснікаў, у іх забралі рэчыўныя доказы — металічныя фрагменты электраапоры. Зламыснікам пагражае ад трох да дзесяці гадоў турмы.
