Вікторыя Азаранка не прайшла ў фінал тэніснага турніру ў Токіа
У паўфінале яна прайграла Агнешцы Радваньскай з Польшчы — 6:3, 4:6, 6:2.
Сустрэча працягвалася 2 гадзіны 31 хвіліну. У фінальным матчы Радваньска сустрэнецца з расійскай тэнісісткай Верай Званаровай, якая абыграла ў паўфінале чэшку Петру Квітаву — 7:6, 6:0.
Цяпер беларуская тэнісістка паспрабуе прабіцца ў фінал парнага разраду. Там яна гуляе разам з расіянкай Марыяй Кірыленкай. У паўфінале беларуска-расійскі тандэм сустрэнецца з амерыканскай парай Лайзэл Хубер — Ліза Рэйманд.
Турнір у японскай сталіцы завершыцца 1 кастрычніка, адзначае БЕЛТА.
