Выхаванкі дзіцячага садка ледзьве не арганізавалі дыверсію на чыгунцы
Дзяўчынкі 5 і 6 гадоў у Магілёве накладвалі на рэйкі друз.
Спецыялісты кажуць, што з-за гэтай перашкоды цягнік мог пайсці пад адхон. Аднак дзяўчынак заўважылі, іх затрымалі міліцыянты, інфармуе БелаПАН.
У адносінах бацькоў дзяўчынак былі складзеныя адміністратыўныя пратаколы за "невыкананне абавязкаў па выхаванню дзяцей". Ім пагражае папярэджанне альбо штраф у памеры да 1 мільёна рублёў.
Адзначаецца, што дагэтуль за такія ўчынкі затрымлівалі школьнікаў, а выхаванцаў дзіцячага садка — упершыню.
