Вызвалены з СІЗА КДБ галоўны трэнер лёгкаатлетаў згубіць сваю пасаду
Анатоль Бадуеў знаходзіўся за кратамі ад канца траўня да пачатку кастрычніка. Пасля вызвалення ён з'явіўся на ранейшай працы.
Нагадаем, ён і лекар нацыянальнай зборнай Беларусі па лёгкай атлетыцы Павел Дрынеўскі былі затрыманыя супрацоўнікамі Камітэта дзяржаўнай бяспекі. Паводле папярэдняй
інфармацыі, трэнера абвінавачвалі ў прымушэнні да хабару і ў нямэтавым
выкарыстанні спонсарскіх сродкаў.
У пачатку кастрычніка стала вядома, што Бадуеў і Дрынеўскі выйшлі на волю.
Анатоль Бадуеў: “Працую… Я зноў галоўны трэнер зборнай”
Як паведамляе "Прессбол", галоўны трэнер у нацыянальнай каманды па лёгкай атлетыцы будзе іншы, Анатоль Бадуеў пасаду згубіць "у сувязі з непрацягненнем з ім кантракту". Найбольш верагодным яго пераемнікам называюць дзяржтрэнера Аляксандра Трашчылу.
Бадуева вярнулі з турмы КДБ кіраваць беларускай лёгкай атлетыкай
