Змітра Бандарэнку перавялі з санчасткі ў карантын Магілёўскай калоніі №15
Аб гэтым паведаміла яго жонка Вольга.
Зміцер даслаў жонцы ліст, дзе расказаў аб пераводзе. Раней Бандарэнку абяцалі, што у санчастцы яго пратрымаюць да Новага года, паведамляе БелаПАН.
Нагадаем, што 27 красавіка давераную асобу кандыдата ў прэзідэнты Андрэя Саннікава, каардынатара "Еўрапейскай Беларусі" Змітра Бандарэнку асудзілі на 2 гады калоніі агульнага рэжыму за арганізацыю масавых беспарадкаў 19 снежня 2010 года.
У палітыка пасля арышту дыягнаставалі некалькі грыжаў дыскаў хрыбетніка і ўшчамленне спіннамазгавых нерваў. 25 ліпеня яго даставілі з Рэспубліканскай турэмнай бальніцы на вуліцы Валадарскага ў 5-ю бальніцу, дзе на наступны дзень зрабілі аперацыю.
За кратамі Зміцер Бандарэнка знаходзіцца ад 20 снежня.
