Шміту дазволілі сустрэчу з Казуліным пры ўмове, што ён пра яе не раскажа

Кіраўнік офіса АБСЕ ў Мінску Ханс Ёхен Шміт распавёў, што сустрэчу з палітвязнем Аляксандрам Казуліным яму дазволілі пры ўмове, што ён не раскажа пра яе змест.
Нямецкі дыпламат заявіў, што сам не даваў гэтай інфармацыі ў СМІ і выказаў незадаволенасць тым, што яна з’явілася праз адну прэс-службу, паведамляе “DW-RADIO”.

Паводле яго слоў, вельмі важна, што прадстаўніцтва АБСЕ час ад часу можа сустракацца з пэўнымі людзьмі, і што беларускія ўлады адказваюць на такую просьбу, калі дыпламаты праяўляюць цікаўнасць.