Сутыкненні паміж паліцыяй і моладдзю адбыліся ў Мадрыдзе раніцай

Ня меньш як 20 чалавек параненыя раніцай 1 траўня ў цэнтры Мадрыду пад час сутыкненняў паліцыі з моладдзю. “Сутыкненні адбыліся ў раёне Маласанья (гістарычны цэнтр горада)”, калі паліцыя паспрабавала забараніць моладзі распіваць алкаголь на вуліцы”, - заявіў супрацоўнік мадрыцкай “хуткай дапамогі”.


Паводле яго, “моладзь аказвала супраціўленне, пусціла ў хаду бутэлькі, камяні і металічныя дубцы. Сярод параненых палова – супрацоўнікі міліцыі”.


Сутыкненні працягваліся каля 2 гадзінаў.

У раёне Маласанья, дзе знаходзяцца шматлікія бары, тысячы маладзёнаў збіраюцца штотыдзень у начы перад выходнымі і вемсяляцца да раніцы, нягледзячы на пратэсты мясцовых жыхароў.