Трэнер БАТЭ завёў уласны блог, у якім раскажа пра тое, што не паказваюць па ТБ

У сераду на сайце Sports.ru з’явіўся блог галоўнага трэнера БАТЭ Віктара Ганчарэнкі, які атрымаў назву “Горшки обжигая”, паведамляе “Наша ніва”. Настаўнік барысаўскага клуба прысвяціў свой інтэрнэт-дзённік выступленню каманды ў Лізе чэмпіёнаў. У сваім першым допісе Ганчарэнка зазначае, што яшчэ нядаўна і не марыў пра такую магчымасць пагутарыць з заўзятарамі, і перасцерагае іх пра падманлівае ўяўленне пра трэнерскую сціпласць.

Ганчарэнка зазначае, што па меры магчымасцяў будзе дзяліцца з чытачамі тым, што яны не пабачаць на тэлеэкранах.