Турыстаў эвакуявалі з Эйфелевай вежы — паляк пагражаў скокнуць уніз
Мужчына, якому на выгляд 20-30 гадоў, знаходзіўся паміж другім (вышыня — 115 метраў) і трэцім паверхамі (276 метраў).
Прадстаўнік паліцэйскага спецназу вёў перамовы з палякам. Ніякіх патрабаванняў мужчына не назваў. Неўзабаве яго затрымалі, інфармуе РІА "Новости".
Нагадаем, самагубствы на 324-метровай Эйфелевай вежы ў Парыжы адбываюцца некалькі разоў на год. З мэтай скарачэння колькасці суіцыдаў на вежы па ўсім перыметры пляцовак і лесвіц усталявалі спецыяльныя агароджанні і абарончыя краты.
Фота — AFP
