У Ашмянах гарэла школа (фота, відэа)
Здарэнне адбылося ў пятніцу, але прэс-служба МНС паведамляе пра яго толькі сёння.
Узгаранне адбылося ўдзень у падсобным памяшканні сцэны актавай залы на другім паверсе школы. У гэты час у будынку знаходзіліся 16 чалавек, усе яны самастойна выйшлі на вуліцу.
На месца здарэння прыязджалі 7 пажарных разлікаў. Узгаранне хутка патушылі, пацярпелых не было. Мяркуецца, што альбо адбылося парушэнне супрацьпажарных патрабаванняў пры правядзенні агнявых работ, альбо кароткае замыканне электраправодкі.
Фота — mchs.gov.by
