У Бабруйскім раёне жанчына, якая была ў вышуку, трапіла пад цягнік
Пенсіянерка атрымала шматлікія траўмы, яе шпіталізавалі ў жлобінскую бальніцу.
У Бабруйскім раёне каля вёскі Бабіна цягнік "Мінск — Калінкавічы — Гомель" збіў 75-гадовую жанчыну. Яна ішла па насыпе, пачула гук надыходзячага цягніка, але не паспела адысці — пенсіянерку зачапіла падножка вагона. Цягнік быў спынены.
Як інфармуе БелаПАН, пацярпелая атрымала шматлікія траўмы. Яе шпіталізавалі ў бальніцу ў Жлобіне. Высветлілася, што жанчына, жыхарка вёскі Ганчароўка Бабруйскага раёна, з 28 траўня знаходзілася ў вышуку. Яна мае псіхічнае захворванне.
Фота: ria.ru
