У Брэсце на вуліцу выкінулі пабітыя градуснікі з іртуццю (фота)
Збіраць небяспечнае рэчыва выклікалі выратавальнікаў.
Пабітыя тэхнічныя градуснікі з іртуццю знайшлі ўчора раніцай на вуліцы каля жылога дома ў Брэсце. Усяго было знойдзена 16 прыладаў — 4 градуснікі былі спіртовымі, а астатнія 12 — ртутныя. Два ртутных градуснікі былі пашкоджаныя.
На месца інцыдэнту прыбылі выратавальнікі, у тым ліку службы хімічнай і радыяцыйнай абароны. Спецыялісты сабралі каля 10 грамаў пралітай ртуці, правялі дэмеркурызацыйныя працы.
Забруджвання навакольнага асяроддзя не адбылося, пацярпелых няма, паведамляе прэс-служба МНС.
