У Брэсце судзілі актывіста, які збіраў подпісы за ўступленне Беларусі ў ЕС

Сёння ў Брэсце судзілі актывіста грамадзянскай кампаніі "Еўрапейская Беларусь" Івана Стасюка. Ён быў затрыманы ўчора на праспекце Машэрава падчас збору подпісаў за ўваходжанне Беларусі ў Еўрасаюз. Іншым удзельнікам акцыі ўдалося пазбегнуць затрымання. Стасюка абвінавацілі ў дробным хуліганстве (паводле міліцыянтаў, ён лаяўся каля будынка РУУС) і змясцілі да раніцы ў ізалятар часовага ўтрымання.

Суд Ленінскага раёна Брэста спыніў адміністрацыйную справу, бо не знайшоў віну Стасюка даказанай.

БелаПАН нагадвае, што раней падобнае затрыманне адбылося ў Гродне. Маладыя людзі былі адпушчаныя без складання пратаколаў.