У Гродне класныя кіраўнікі правераць жыллёвыя ўмовы ўсіх вучняў

Гродзенскія сем'і, дзе ёсць школьнікі, чакаюць настаўнікаў: робяць генеральныя ўборкі ў кватэрах, закупляюць далікатэсы і імкнуцца скончыць рамонты. Усіх бацькоў папярэдзілі, што неўзабаве з праверкай прыйдуць класныя кіраўнікі.
Педагогі будуць ацэньваць, у якіх умовах жывуць дзеці. Калі раней акты абследавання жыллёвых умоў складалі толькі на няшчасныя сем'і, то цяпер праверцы падлягаюць усё, піша “Вячэрні Гродна”.

Як высветлілася, самі класныя кіраўнікі не ведаюць, што глядзець і як ацэньваць. Нідзе не прапісаныя крытэрыі, па якіх можна лічыць умовы спрыяльнымі для пражывання школьніка.

Настаўнікі пішуць акты ў вольнай форме: адны звяртаюць увагу на тое, ці ёсць у дзіцяці працоўнае месца і бібліятэка, іншыя глядзяць, накормлены ён, якія прадукты ў халадзільніку.

Такія праверкі выкліканыя прэзідэнцкім дэкрэтам, згодна з якім, калі своечасова не выявяць нядобранадзейную сям'ю, персанальную адказнасць за гэта панясе кіраўнік раённай адміністрацыі.

У выніку абыходзіць усе кватэры даводзіцца настаўнікам. І зрабіць гэта трэба ў кароткія тэрміны. Па словах завуча адной з гродзенскіх школ, гэта звязана з прыездам камісіі з Мінадукацыі, якая правярае, як выконваецца дэкрэт.