У Гродне злавілі чарговага 17-гадовага эксгібіцыяніста

У Гродне праваахоўнікі затрымалі эксгібіцыяніста. Яму 17 гадоў, ён нідзе не працуе. Як паведамляе БелаПАН, малады чалавек дэманстраваў у ліфце жылога дома інтымныя часткі свайго цела дваім вучаніцам 11-га класа. Вядомы яшчэ адзін падобны эпізод.

Адзначаецца, што ва ўсіх выпадках хлопец высочваў дзяўчат і жанчын, якія яму спадабаліся, ішоў за імі да "зручнага месца", у якім і дэманстраваў свае полавыя органы. Дарэчы, раней 17-гадовы жыхар Гродна быў асуджаны за здзяйсненне аналагічных злачынстваў.

У абласным цэнтры сёлета адбылося некалькі выпадкаў затрымання эксгібіцыяністаў. У чэрвені 17-гадовы хлопец напаў на маладую настаўніцу. Спачатку ён прадэманстраваў ёй свае полавыя органы, а пасля накінуўся і паваліў на зямлю. Настаўніца не разгубілася, здолела вырвацца і выклікаць міліцыю. Зламысніка затрымалі.

У лістападзе ў Гродне лавілі 40-гадовага эксгібіцыяніста, які "дзейнічаў" каля вакзала.

Здымак з архіву. Фота — ria.ru