У ICQ распаўсюджваецца вірус, які крадзе ці псуе паролі карыстальнікаў

Вірус, які крадзе ці псуе паролі карыстальнікаў, распаўсюджваецца ў інтэрнэт-месэнджэры ICQ. Яго наяўнасць пачала адзначацца з учорашняга дня. Праграма ўкараняецца на кліент карыстальніка нават у тым выпадку, калі ў ім усталяваная опцыя запыту на аўтарызацыю.
"Шпіён" рэгіструецца ў пераліку неактыўных ці звычайных кантактаў віртуальнага карыстальніка з імем ICQ System і кароткім нумарам 12111. Праграма можа ці скрасці пароль для ўваходу ў ICQ, ці пашкодзіць яго, у выніку чаго карыстальнік не зможа карыстацца месэнджэрам, інфармуе Прайм-ТАСС.