У Мінску на праспекце Незалежнасці затрымалі партыю балгарак (фота)
Міліцыянеры выявілі ў сталіцы нелегальны груз электраінструментаў.
У Мінску на праспекце Незалежнасці міліцыянеры сумесна з падаткавікамі затрымалі нелегальны груз. Яны спынілі для дагляду аўтамабіль "ВАЗ-21112". Высветлілася, што ў машыне перавозілася партыя электраінструментаў імпартнай вытворчасці, на якую не было дакументаў. Электралобзікаў, перфаратараў, балгарак налічылі аж 124 штукі на агульную суму 248 млн рублёў.
Як інфармуе прэс-служба мінскай міліцыі, у адносінах гаспадара груза складзены пратакол аб адміністрацыйным правапарушэнні. Праводзіцца праверка.
Фота: guvd.gov.by
