У Поразаўскім раёне карова нарадзіла траіх цялятаў - Кольку, Больку і Лельку

Вельмі рэдкі выпадак нараджэння адной каровай адразу траіх цялятаў зафіксаваны ў саўгасе "Поразаўскі", што мяжуе з Белавежскай пушчай.  Цяляты вагой 15,12 і 8 кілаграмаў з'явіліся ў пачатку года і атрымалі імёны Колька, Болька і Лелька. Аднак пра гэты выпадак паведамілі толькі 6 сакавіка, таму што ў гаспадарцы да гэтага часу сумняваліся, што цяляты выжывуць.

Каб паставіць іх на ногі, спецыялістам давялося карміць Кольку, Больку і Лельку дзіцячымі малочнымі сумясямі і сырымі яйкамі.

Сяргей Апановіч, Еўрарадыё, Гродна