У пятніцу ў Беларусі будзе пераважна без ападкаў
Вясна, ілюстрацыйнае фота / t.me/Zaslavle_Online/
У пятніцу, 3 красавіка, у Беларусі прагназуецца пераменная воблачнасць, паведамляе Белгідрамет.
Будзе пераважна без ападкаў, толькі ў паўднёва-ўсходніх раёнах краіны месцамі пройдуць кароткачасовыя дажджы. Уначы і зранку ў асобных раёнах будзе згушчацца слабы туман. Вецер чакаецца паўночны, паўночна-заходні ўмераны.
Тэрмометры ўначы пакажуць ад -3 па паўночным захадзе да +7 градусаў па паўднёвым усходзе. Удзень паветра прагрэецца да 12-18 градусаў вышэй за нуль.
У суботу, 4 красавіка, будзе воблачна з праясненнямі. Уначы месцамі па поўначы краіны чакаюцца невялікія кароткачасовыя ападкі ў выглядзе дажджу і мокрага снегу, а таксама слабы галалёд. Удзень на большай частцы тэрыторыі краіны пройдуць кароткачасовыя дажджы. Вецер будзе заходняй чвэрці ўмераны, уначы месцамі, удзень у многіх раёнах — парывісты, удзень месцамі — моцны парывісты.
Тэмпература паветра ўначы складзе -2...+4 градусы, па паўднёвым усходзе краіны да 6 градусаў са знакам "плюс". Удзень прагназуецца ад +7 па поўначы да +16 градусаў па паўднёвым усходзе.
