У сектары Газа ізраільскі самалёт скінуў бомбу на дом грамадзянкі Беларусі

Дом грамадзянкі Беларусі ў сектары Газа разбамбіла ізраільская авіяцыя. Здарэнне адбылося ўчора ўвечары. У доме беларуска жыла разам з мужам-палестынцам і трыма дзецьмі.  Як паведамляе БелаПАН, падчас выбуху ніхто не пацярпеў. Бомба патрапіла ў тую частку дома, дзе ў той момант нікога не было.

Мяркуецца, што мэтай ізраільскіх пілотаў быў суседні дом, дзе жыве палявы камандзір групоўкі "Брыгады пакутнікаў Аль-Аксы".