У Віцебску рабочы зваліўся з вышыні трох метраў на арматуру (фота)
Няшчасны выпадак адбыўся каля 14-й гадзіны ў сераду, 2 кастрычніка.
33-гадовы муляр працаваў на будоўлі вытворчага цэху птушкафабрыкі. На дапамогу пацярпеламу прыехалі выратавальнікі, якія абрэзалі арматуру і перадалі мужчыну медыкам.
Як інфармуе прэс-служба МНС, арматура прабіла рабочаму шчаку. Пацярпелага шпіталізавалі ў хірургічнае аддзяленне Віцебскай абласной клінічнай бальніцы.
Фота — mchs.gov.by
