У Жлобіне выпала месячная норма ападкаў і падтапіла каля 40 падворкаў
Як інфармуе БЕЛТА, залеву 26 ліпеня ў Жлобіне метэаролагі прылічылі да надзвычайных сітуацый прыроднага характару. На працягу дня ў горадзе і яго наваколлях выпала практычна месячная норма ападкаў. У выніку залевы, якая працягвалася і ў ноч на 27 ліпеня, падтоплена амаль 40 падворкаў. У месцах падтапленняў пры дапамозе выратавальнай спецтэхнікі вядзецца адпампоўка вады.
