Уначы быў пажар на Слуцкім цукрарафінадным камбінаце (фота)
На прадпрыемстве загарэлася транспарцёрная стужка.
Галерэя, дзе яна ўстаноўлена, знаходзіцца на вышыні 10 метраў ад зямлі. Выратавальнікі ліквідавалі пажар, агонь паспеў знішчыць транспарцёрную стужку і сцяну галерэі (300 кв. метраў). Пацярпелых няма.
Як адзначае прэс-служба МНС, прычынай пажару магло стаць закліноўванне падшыпніка канструкцыі падачы транспарцёрнай стужкі.
Фота — МНС
