Упершыню праходзіць конкурс блогаў беларускіх карыстальнікаў ЖЖ

Упершыню праходзіць конкурс блогаў беларускапга сегменту “Жывога Журналу”.  Да 29 чэрвеня арганізатарамі прымаліся заяўкі на прэмію ў такіх намінацыях, як “флудзер” (той, хто піша найбольш), “літаратура”, “публіцыстыка”, “фотаблог”, “музыка”, “палітыка” ды іншых.
1 ліпеня пачалося папярэдняе галасаванне.

Зараз ідзе падлік галасоў і праверка іх сапраўднасці. Другі тур пачнецца ў ноч з 3 на 4 ліпеня. У ім будзе абраны лепшы блог у кожнай намінацыі. Імёны пераможцаў назавуць 15 ліпеня ў мінскім кафэ “Рок-хаўз”.