Вікторыя Азаранка пасля Уімблдона захавала 16-ты радок сусветнага рэйтынгу

Беларуская тэнісістка Вікторыя Азаранка пасля Уімблдонскага турніра захавала 16-ты радок сусветнага рэйтынгу.
А вось Вольга Гаварцова ў новым рэйтынгу апусцілася з 36-га на 41-е месца. У лік 200 наймацнейшых тэнісістак свету ўваходзяць таксама: Настасся Якімава - 120-е месца, Таццяна Пучак - 160-е, Кацярына Дзегалевіч - 168-е месца.

У мужчын тройка найлепшых беларускіх тэнісістаў паступова збліжаецца: Максім Мірны - 389-ы, Уладзімір Ваўчкоў - 419-ы, Уладзімір Ігнацік - 431-ы, інфармуе "Прессбол".