З-за шалёнай лісы аб’яўлены каранцін у трох вёсках Гродзеншчыны

У вёсках Новікі, Каменка і ў дачнай гаспадарцы “Сасновая Балка”, што знаходзяцца ў ваколіцах Гродна, аб’яўлены каранцін. Гэта звязана з шаленствам лісы, якая пакусала дачнага сабаку. Падчас каранціну будзе праводзіцца перарэгістрацыя хатніх жывёлаў.
Падчас каранціну будзе праводзіцца перарэгістрацыя хатніх жывёлаў. Таксама правераць, ці былі зробленыя прышчэпкі, паведамляе сайт гродзенскага гарвыканкаму. Гаспадароў хатніх жывёлаў, якія будуць ухіляцца ад вакцынацыі і праверкі, прыцягнуць да адміністрацыйнай адказнасці.

Акрамя гэтага падчас каранціну ўсіх дзікіх жывёлаў (ваўкоў, ліс, янотаў), а таксама бадзяжных катоў і сабак будуць адстрэльваць.

Сяргей Апановіч, Еўрарадыё, Гродна