За год у 30-тысячным Мастоўскім раёне паменела на 343 вучні

Калі ў 2008-2009 годзе ў школах і гімназіях Мастоўскага раёну навучаліся 4517 вучняў, то ў гэтым годзе ў школу пайшлі толькі 4174. Звязана гэта са змяншэннем насельніцтва Мастоўскага раёна. Так, у 1995 годзе ў раёне жылі 43,9 тысячы чалавек, сёння ж — каля 33 тысяч.

Летась з-за недахопу вучняў зачынілася Радзевіцкая базавая школа, а ў Пясках дзіцячы садок і школа ўтварылі адну навучальную установу.

Пры гэтым адзначаецца кепскае здароўе у дзяцей, якія яшчэ не пайшлі ў школу. 60% дзяцей у садках маюць ІІ групу здароўя.