Затрымалі бабруйчаніна, які размаляваў сінагогу літарай Z
Бабуйская міліцыя затрымала мясцовага жыхара, які размаляваў літарай Z руіны сінагогі-музея, піша "Вечерний Бобруйск".
Паведамляецца, што мужчына папрасіў прабачэння ў бабруйскага рабіна.
Як распавядала Еўрарадыё, 30 красавіка нехта размаляваў літарамі Z руіны сінагогі XIX стагоддзя ў Бабруйску (цяпер там музей пад адкрытым небам). Такімі ж літарамі была размаляваная брама суседняга дома. Бабруйскія валанцёры адчысцілі сцяну сінагогі.
Літара Z стала сімвалам расійскай агрэсіі ва Украіне.
