Затрыманы герой відэа, які на BMW наўмысна наехаў на пенсіянера
Здарэнне адбылося напярэдадні ў расійскай сталіцы.
Пенсіянер, які ехаў на аўтамабілі Nissan, спыніўся на святлафоры, выйшаў з салона ды зрабіў заўвагу кіроўцы BMW. Яны пасварыліся. Калі пенсіянер збіраўся вярнуцца да сваёй машыны, ён быў збіты BMW. Пацярпелы атрымаў траўмы, яго шпіталізавалі.
Відэа гэта здарэння ўчора патрапіла ў інтэрнэт. На YouTube за няпоўныя два дні ролік набраў амаль 700 тысяч праглядаў і 2 тысячы каментароў.
Як паведамляе РІА "Новости", 16 ліпеня 33-гадовага кіроўцу, жыхара Масквы, затрымала паліцыя. Распачатая крымінальная справа па артыкуле "ўчыненне цяжкай шкоды здароўю". Зламысніку пагражае да 10 гадоў пазбаўлення волі.
Фота — ria.ru
