Зніклая 7-гадовая школьніца жывая – лагойская міліцыя

Зніклая на Лагойшчыне 7-гадовая школьніца жывая. Такую інфармацыю атрымала мясцовая міліцыя. Ніякія падрабязнасці пакуль не паведамляюцца.  Нагадаем, Іра Кужэльная 23 лістапада не вярнулася дахаты са школы. Днямі яна была абвешчаная ў рэспубліканскі вышук. Да пошуку дзяўчынкі прыцягнулі значныя сілы – каля 180 вайскоўцаў і 70 міліцыянтаў.

Яны прачосваюць тэрыторыю ад вёскі Беларучы на Лагойшчыне да Астрашыцкага Гарадка, дзе калісьці жыла сям’я Кужэльных да пераезда на Лагойшчыну, паведамляе газета “Рэспубліка”.