Знятыя абмежаванні на пастаўку прадукцыі ў Расію трох беларускіх заводаў

Дзяржаўнай ветэрынарнай службай Беларусі здымаюцца часовыя абмежаванні на пастаўку жывёлагадоўчай прадукцыі ў Расію з бабруйскага мясакамбіната, Лунінецкага малочнага завода і мінскага малочнага завода № 1.
Часовая забарона на пастаўку жывёлагадоўчай прадукцыі са згаданых прадпрыемстваў была ўведзена ў ліпені ў сувязі з выяўленнем антыбіётыкаў. Паводле інфармацыі прэс-службы, гэтыя прадпрыемствы будуць пастаянна знаходзіцца пад узмоцненым маніторынгам Рассельгаснагляду, паведамляе БелаПАН.