Адбылася прэзентацыя дакументальнага фільма пра гомельскія Курапаты
Прэзентацыя дакументальнага фільма “Лес смерці” прайшла ў Гомелі. Яна прысвечана масавым растрэлам людзей, якія праходзілі ў сталінскія часы ў лясах недалёка ад горада – ва ўрочышчах Тры Слупы і Боркі.
Пра іх загаварылі летась, калі масавыя пахаванні даследавалі пашукавікі Міністэрства абароны. Мясцовыя жыхары сцвярджалі, што там ляжаць ахвяры НКВД, а афіцыйная камісія не дала пэўнага адказу наконт таго, хто ж расстраляў людзей.
Вось што сказаў у інтэрв’ю Еўрарадыё ўдзельнік прэзентацыі фільма грамадскі дзеяч Вячаслаў Сіўчык:
“Як вядома, сённяшнія ўлады спісалі злачынствы камуністычнага рэжыму на нацысцкі рэжым. Гэтае рашэнне хутчэй за ўсё канчатковае. Натуральна, яно нас не задавальняе, і трэба шукаць шляхі беларускай грамадскасці для таго, каб памяць ахвяр сталінскіх рэпрэсій была ўшанавана”.
Сіўчык спадзяецца, што да канца года з’явіцца вялікі дакументальны фільм на тэму гомельскіх Курапатаў.
Пра іх загаварылі летась, калі масавыя пахаванні даследавалі пашукавікі Міністэрства абароны. Мясцовыя жыхары сцвярджалі, што там ляжаць ахвяры НКВД, а афіцыйная камісія не дала пэўнага адказу наконт таго, хто ж расстраляў людзей.
Вось што сказаў у інтэрв’ю Еўрарадыё ўдзельнік прэзентацыі фільма грамадскі дзеяч Вячаслаў Сіўчык:
“Як вядома, сённяшнія ўлады спісалі злачынствы камуністычнага рэжыму на нацысцкі рэжым. Гэтае рашэнне хутчэй за ўсё канчатковае. Натуральна, яно нас не задавальняе, і трэба шукаць шляхі беларускай грамадскасці для таго, каб памяць ахвяр сталінскіх рэпрэсій была ўшанавана”.
Сіўчык спадзяецца, што да канца года з’явіцца вялікі дакументальны фільм на тэму гомельскіх Курапатаў.
