Адзінага кандыдата ад апазіцыі выберуць не раней, чым у ліпені?
Аб’яднаную стратэгію перамогі і патрабаванні да адзінага кандыдата ад дэмакратычных сіл удзельнікі круглага плануюць прыняць на сваім наступным паседжанні. Яно прызначанае на наступны панядзелак, 7 чэрвеня. А яшчэ праз тыдзень пачнуць разглядаць варыянты працэдуры абрання гэтага адзінага. Такое рашэнне было прынята сёння падчас паседжання круглага стала, расказаў Еўрарадыё лідэр “Еўрапейскай кааліцыі” Мікола Статкевіч. Мікола Статкевіч: “Я спадзяюся, што мы здолеем зацвердзіць аб’яднаную стратэгію і патрабаванні да адзінага кандыдата ў панядзелак. А ўжо на наступным пасяджэнні мы пачнем разглядаць усе магчымыя варыянты працэдур. І асноўны крытэр будзе – каб гэта працэдура дазволіла абраць такога адзінага кандыдата, які ў найбольшай ступені адпавядае стратэгіі перамогі”.
Сёння, кажа Статкевіч, разглядаліся ўжо наяўныя стратэгіі перамогі. Гэта стратэгія “кампраміснага кандыдата” і стратэгія “Плошча”. Яе, для большай дакладнасці, вырашылі надалей называць “Абарона народнага выбару”.
Адбылася на паседжанні і яшчэ адна падзея – Аляксандр Казулін нарэшце падпісаў “Папярэднія абавязанні ўдзельнікаў круглага стала”. Гэты дакумент уключае ў сябе тры раздзелы. І калі ў першым прапісаны заклік да ўдзельнікаў паводзіць карэктна адзін да аднога, то другі ўключае ў сябе абавязанні падпісанта ў выпадку абрання яго адзіным.
Мікола Статкевіч: “Найперш – гэта імкнуцца дасягнуць перамогі. Разам з удзельнікамі круглага стала фармаваць выбарчы штаб, з улікам іх меркаванняў. Трэці раздзел – гэта абавязальніцтвы ўдзельнікаў круглага стала ў тым выпадку, калі зробіцца адзіным нехта з іх і пераможа на прэзідэнцкіх выбарах”.
А ў такім выпадку пераможца абяцае ўлічваць меркаванне калег наконт палітычных і эканамічных рэформаў.
На паседжанні прысутнічалі Віталь Рымашэўскі, Мікола Статкевіч, Анатоль Лябедзька, Сяргей Калякін, Лявон Баршчэўскі, Аляксандр Казулін і Ўладзімір Колас.
Сёння, кажа Статкевіч, разглядаліся ўжо наяўныя стратэгіі перамогі. Гэта стратэгія “кампраміснага кандыдата” і стратэгія “Плошча”. Яе, для большай дакладнасці, вырашылі надалей называць “Абарона народнага выбару”.
Адбылася на паседжанні і яшчэ адна падзея – Аляксандр Казулін нарэшце падпісаў “Папярэднія абавязанні ўдзельнікаў круглага стала”. Гэты дакумент уключае ў сябе тры раздзелы. І калі ў першым прапісаны заклік да ўдзельнікаў паводзіць карэктна адзін да аднога, то другі ўключае ў сябе абавязанні падпісанта ў выпадку абрання яго адзіным.
Мікола Статкевіч: “Найперш – гэта імкнуцца дасягнуць перамогі. Разам з удзельнікамі круглага стала фармаваць выбарчы штаб, з улікам іх меркаванняў. Трэці раздзел – гэта абавязальніцтвы ўдзельнікаў круглага стала ў тым выпадку, калі зробіцца адзіным нехта з іх і пераможа на прэзідэнцкіх выбарах”.
А ў такім выпадку пераможца абяцае ўлічваць меркаванне калег наконт палітычных і эканамічных рэформаў.
На паседжанні прысутнічалі Віталь Рымашэўскі, Мікола Статкевіч, Анатоль Лябедзька, Сяргей Калякін, Лявон Баршчэўскі, Аляксандр Казулін і Ўладзімір Колас.
