Ахлабысцін напісаў, што ў Беларусі яго палохаюць "фашысты" (фота)

13 лістапада пачынаецца канцэртнае турнэ скандальнага расійскага актора Івана Ахлабысціна па Беларусі. Ён наведае Мінск, Гродна, Гомель і Магілёў. Расійскія СМІ пішуць, што ў Беларусі блогеры распачалі кампанію супраць Ахлабысціна, лічаць, што ён будзе "замбаваць публіку сваімі фашысцкімі ідэямі". Нават прапануюць наладзіць адпаведны прыём аднаму з ідэолагаў "русского мира".

На гэта адрэагаваў ужо сам расійскі акцёр, які напісаў у твітары: "Ідыёты фашысты палохаюць мяне. Я люблю Беларусь і памерці на яе святой зямлі, прасякнутай крывёю соцень тысяч герояў 2 Сусветнай — гонар для мяне".

Дарэчы, у гутарцы з Радыё Свабода паэт и мастак Адам Глобус назваў Ахлабысціна "маральным вырадкам".

Фота — mk.ru, Twitter