Аляксандр Лукашэнка сёння паўдзельнічае ў вайсковых вучэннях "Восень-2008"

У комплексным аператыўным вучэнні "Восень-2008" прыме сёння ўдзел Аляксандр Лукашэнка. Пра гэта паведамляе прэс-служба кіраўніка дзяржавы. Нагадаем, ужо некалькі дзён у нашай краіне працягваюцца вайсковыя вучэнні, падчас якіх адпрацоўваюцца мерапрыемствы па адбіццю ўдараў паветранага праціўніка і прыкрыццю групіроўкі Сухапутных войскаў. У іх удзельнічае і баявая авіяцыя Ўзброеных сілаў Расіі.

Учора на палігоне пад Баранавічамі прайшлі батальённыя вучэнні, падчас якіх беларускія вайскоўцы вучыліся весці баявую абарончую аперацыю.