Беларус змагаўся з украінскімі пагранічнікамі з дапамогай прыёмаў дзюдо

Украінскія пагранічнікі на тэрыторыі Чарнігаўскай вобласці спрабавалі затрымаць беларускага кантрабандыста, але сустрэлі неспадзяваны супраціў.  Хлопец збіраўся пераправіць праз мяжу ў Беларусь два скутэра “Дэфіант”, але не дайшоў да яе 200 метраў. Ад пагранічнікаў, якія выскачылі з засады, ён адбіўся з дапамогай прыёмаў дзюдо і спрабаваў уцячы на адным са скутэраў.

Украінцы пачалі страляць у паветра, а пасля спусцілі службовага сабаку, які і спыніў беларуса. Высветлілася, што затрыманы з’яўляецца жыхаром вёскі Новая Гута Гомельскага раёна. Раней яго неаднаразова затрымлівалі за незаконную перавозку праз мяжу тавараў і грузаў.

Лёс кантрабандыста вырашыць украінскі суд, а яго скутэры перадалі мытнікам.

Белорусские новости