Беларускія міліцыянты затрымалі наклад апазіцыйных газет

Каля беларуска-расійскай мяжы сёння раніцай супрацоўнікі праваахоўных органаў затрымалі наклады чарговых нумароў апазіцыйных газет “Народная воля” і “Товарищ”. У аўтамабілі знаходзіцца 11 тысяч асобнікаў “Народнай волі” і 30 тысяч асобнікаў “Товарища”, якія былі аддрукаваны ў Смаленску. Пакуль ніякіх прэтэнзій да перавозчыкаў і рэдакцый выданняў не прад’яўляецца. Ідзе праверка груза.

Як паведаміў намеснік галоўнага рэдактара газеты “Товарищ” Зміцер Яненка, зараз міліцыянты чакаюць начальства, якое і вырашыць лёс апазіцыйных газет.

Хартыя-97