Беларускія заўзятары ўбачаць усё 64 матчы чэмпіянату свету па футболе

Па звестках сайту "Мы", Белтэлерадыёкампанія паабяцала, што будзе забяспечваць максімальна шырокае асвятленне чэмпіянату свету. Нагадаем, што ён які пройдзе ў Паўднёва-Афрыканскай Рэспубліцы з 11 чэрвеня па 11 ліпеня. Беларускія спартовыя заўзятары ўбачаць усё 64 матчы ў эфіры Першага і "Лада". Акрамя таго, на "Ладзе" будзе выходзіць штодзённая перадача "Час футболу. Чэмпіянат свету-2010" - у прамым эфіры.

Нарэшце, матчы чэмпіянату міру таксама будуць дэманстравацца на святлодыёдным экране Белтэлерадыёкампаніі. Ён размешчаны каля Палаца спорту на праспекце Пераможцаў.