Больш 400 тысяч пачкаў цыгарэт затрымалі на беларуска-літоўскай мяжы

Больш чым 400 тысяч пачкаў кантрабандных цыгарэт затрымалі мытнікі на беларуска-літоўскай мяжы.

Па дакументах нелегальны груз праходзіў як газіраваныя і безалкагольныя напоі. Груз накіроўваўся ў Польшчу праз Літву. Перавозкай займалася расійская фірма, наняўшы вадзіцеля-беларуса. Следства высвятляе, каму належыць тавар, паведамляе Белтэлерадыёкампанія.