Дэпутаты ў першым чытанні прынялі праект бюджэту на наступны год

Дэпутаты Палаты прадстаўнікоў аднагалосна прынялі ў першым чытанні праект бюджэту на 2010 год.
Як паведаміў міністр фінансаў Андрэй Харкавец, праект бюджэту прадугледжвае адмену чатырох падаткаў: збору ў рэспубліканскі фонд падтрымкі вытворцаў сельскагаспадарчай прадукцыі; падатку на набыццё аўтатранспартных сродкаў; мясцовага падатку з продажу тавараў у рознічным гандлі; мясцовага збору з карыстальнікаў за паркоўку у адмыслова абсталяваных месцах.

У той жа час падатак на дадатковую вартасць павялічыцца з 18 да 20%. Па інфармацыі міністра, агульная сума прыбыткаў кансалідаванага бюджэту на 2010 год прагназуецца ў аб'ёме 53 трыльёнаў рублёў. Выдаткі складуць 55,7 трыльёнаў.

БелаПАН