Грузавік з макулатурай не даехаў да шклоўскай фабрыкі — загарэўся (фота)
Здарэнне адбылося ўдзень 11 сакавіка на аўтадарозе каля вёскі Прудок у Крычаўскім раёне.
У кузаве аўтамабіля "МАЗ" раптоўна загарэлася макулатура. 10 тон груза былі пашкоджаныя агнём. Пацярпелых няма. Мяркуецца, што прычына пажару — знешняя, узгаранне адбылося падчас руху аўтамабіля, інфармуе прэс-служба МНС.
Адзначым, што грузавік ехаў з Клімавічаў на папяровую фабрыку ў Шклоў.
Фота — mchs.gov.by
