Каля 300 чалавек эвакуявана з "замініраванага" чыгуначнага вакзала ў Гродна
Каля 300 чалавек было эвакуявана днём 25 студзеня з чыгуначнага вакзала ў Гродна пасля паведамлення невядомага пра тое, што будынак замініраваны.
Пра гэта БЕЛАПАН паведаміў супрацоўнік аддзялення інфармацыі і грамадскіх сувязяў УУС Гродзенскага аблвыканкама Ігар Белазёраў.
Паводле яго слоў,сапёры ніякіх выбуханебяспечных прадметаў не выявілі. Затрымкі ў руху цягнікоў не было.
Пазней атрымалася устанавіць і затрымаць "тэлефоннага тэрарыста". Ім аказаўся п'яны 25-гадовы жыхар абласнога цэнтра. У адносінах яго ўзбуджана крымінальная справа.
