“Камаедзіца” выступіла на забароненым у Беларусі турніры (фота, відэа)

Паглядзець на баі прыйшло каля двух тысяч чалавек. Адкрылі турнір музыкі беларускага гурта “Камаедзіца”. Яны выканалі  кампазіцыю “Дух Ваяра”, запісаную ў падтрымку турніраў White Rex.

Адбыўся ў гэты вечар і бой з удзелам беларускага байца. Іван Гладкі болевым прыёмам у першым раўндзе перамог расіяніна Марка Булахціна.

Адзначым, што ў жніўні турнір White Rex спрабавалі правесці ў Мінску, аднак сталічная міліцыя не дала гэтага зрабіць. Як пазней паведамілі самі арганізатары, мінскія міліцыянеры тады палічылі што “турнір — гэта не свята спорту, а нацысцкі шабаш”.

Ініцыятыву  White Rex у інтэрнэце абвінавачваюць у неанацысцкіх схільнасцях. На адным з іх турніраў біўся, да прыкладу, добра вядомы ў Мінску неанацыст Максім “Цясак” Марцінкевіч.