Кіраўнік Федэрацыі прафсаюзаў: Заробак у канвертах у Беларусі - не больш за 5%

Выплата заробкаў у канвертах складае ў Беларусі не больш за 5% ад фонду заработнай платы. Такую заяву зрабіў старшыня Федэрацыі прафсаюзаў Леанід Козік. Паводле яго словаў, "сваю барацьбу" з "шэрымі" заробкамі прафсаюзы пачалі яшчэ чатыры гады таму праз інфармаванне працоўных і асветніцкую працу сярод насельніцтва. "І гэта прынесла свой вынік, - падкрэсліў Леанід Козік. - Сёння большасць людзей атрымліваюць і аддаюць перавагу афіцыйнаму заробку, бо гэта дае сацыяльныя гарантыі".

Асноўная колькасць выплатаў у канвертах прыпадае на малы бізнэс, дадаў старшыня ФПБ.

БЕЛТА